MASHARTI YA HUDUMA · TOLEO LA 20 OKTOBA 2026

Masharti ya kutumia MOFPORT

Masharti haya ni makubaliano kati ya MOFULI Multibusiness & Services (BRELA 630591, "MOFULI") na kampuni au mmiliki anayejisajili ("Mteja"). Kwa kusajili au kutumia MOFPORT, Mteja anakubali masharti haya na Sera ya Faragha.

1. Huduma

MOFPORT ni mfumo wa mtandaoni wa kusimamia vyombo vya usafiri: usajili wa vyombo na madereva, ramani ya GPS wakati wa zamu, hesabu za kila siku, deni la dereva, matumizi, service, vikumbusho vya nyaraka, ripoti, app ya dereva, na (ikiwashwa) uchambuzi wa picha kwa AI.

2. Usajili na uhakiki

• Mteja anatoa taarifa za kweli na nyaraka halali. MOFULI inaweza kukataa, kusimamisha au kufunga akaunti yenye taarifa za uongo.
• Mteja anaweza kuwa kampuni iliyosajiliwa au mmiliki binafsi mwenye NIDA.
• Mteja analinda nywila zake na anawajibika kwa matendo yote yanayofanyika kupitia akaunti zake.

3. Majaribio, vifurushi na funguo za leseni

• Baada ya kuhakikiwa, Mteja anapata ufunguo wa majaribio ya bure kwa idadi ya siku na vyombo iliyotangazwa kwenye ukurasa wa MOFPORT. Majaribio yanatolewa mara moja kwa kila Mteja.
• Kila kifurushi kina kikomo cha idadi na aina za vyombo, na bei iliyotangazwa wakati wa kulipa.
• Muda wa leseni ukiisha, mfumo unajifunga mpaka ufunguo mpya uwekwe. Taarifa za Mteja hazifutwi kwa sababu ya kujifunga.
• Mteja akiwasilisha namba ya muamala wa malipo, anapata siku 3 za neema wakati MOFULI inahakiki malipo hayo.

4. Malipo

• Malipo yanafanywa kwa njia zilizotangazwa (M-Pesa, Tigo Pesa/Mixx, Airtel Money, HaloPesa, benki au taslimu), na MOFULI inayahakiki kabla ya kutoa ufunguo.
• Kila malipo yaliyothibitishwa yanapata risiti ya MOFPORT yenye namba. Mteja anayehitaji ankara ya kodi (EFD/VFD) aiombe kwa info@mofuli.co.
• Malipo ya kipindi kilichokwisha kuanza hayarudishwi, isipokuwa pale MOFULI ilipokosea au huduma iliposhindwa kwa sababu ya MOFULI.
• Bei zinaweza kubadilika; bei mpya zinahusu malipo yanayofuata, si kipindi kilichokwisha kulipiwa.

5. Wajibu wa Mteja kwa madereva

• Mteja anawajibika kuwaeleza madereva wake kuhusu ufuatiliaji, kupata ridhaa yao, na kutumia taarifa zao kwa mujibu wa sheria za kazi na za ulinzi wa taarifa binafsi.
• Mteja hatumii MOFPORT kufuatilia mtu nje ya kazi yake, kunyanyasa, au kwa lengo lolote lisilo halali.
• Hesabu, deni na alama zinazoonyeshwa na mfumo ni kumbukumbu za kusaidia usimamizi. Mteja anazihakiki kabla ya kuchukua hatua dhidi ya dereva.

6. Uchambuzi wa picha kwa AI

Usomaji wa odometer, utambuzi wa vipuri na usomaji wa risiti kwa AI unaweza kukosea. Mfumo unaonyesha kiwango cha uhakika na unaweka alama ya kuhakiki pale unapotilia shaka; uamuzi wa mwisho ni wa Mteja.

7. Upatikanaji wa huduma

• MOFULI inajitahidi mfumo upatikane muda wote, lakini haihakikishi kuwa hautakatika. GPS inategemea simu ya dereva, mtandao wake na ruhusa ya Location.
• Matengenezo makubwa yanatangazwa mapema pale inapowezekana.

8. Taarifa za Mteja

• Taarifa za Mteja ni mali ya Mteja. MOFULI inazitumia tu kutoa huduma, kama ilivyoelezwa kwenye Sera ya Faragha.
• Mteja anaweza kupakua ripoti zake (CSV/PDF) wakati wowote akaunti ikiwa hai, na kuomba nakala ya taarifa zake akifunga akaunti.

9. Kikomo cha dhima

Kwa kiwango kinachoruhusiwa na sheria, dhima ya jumla ya MOFULI kwa madai yoyote yanayotokana na huduma hii haizidi kiasi alicholipa Mteja katika miezi 3 kabla ya tukio. MOFULI haiwajibiki kwa hasara isiyo ya moja kwa moja, kama faida iliyopotea, wizi wa chombo, au faini za barabarani.

10. Kusimamisha na kufunga

• Mteja anaweza kuacha kutumia huduma wakati wowote.
• MOFULI inaweza kusimamisha akaunti inayokiuka masharti haya au sheria, au isiyolipiwa.

11. Sheria na migogoro

Masharti haya yanaongozwa na sheria za Jamhuri ya Muungano wa Tanzania. Pande zote zitajaribu kwanza kumaliza mgogoro kwa mazungumzo; ukishindikana, utapelekwa kwenye mahakama zenye mamlaka Tanzania.

12. Mawasiliano

MOFULI Multibusiness & Services, Dar es Salaam · info@mofuli.co · 0610 154 907.